«Хәтер булып калка үткәннәр».

Россия тарихында иң кызганыч даталарның берсе – Хәтер һәм кайгы көне – Бөек Ватан сугышы башланган көн. Шекә выл китапханәсе, авыл клубы белән берлектә, мәктәп укучылары өчен «Хәтер булып калка үткәннәр» дип исемләнгән хәтер сәгате үткәрде. 

Чара китапханәченең илебез тарихында иң күңелсез көннәрнең берсе булган 22 июнь датасы, басып алучыларның кинәт һөҗүме, солдатларның һәм тыныч халыкның зур югалтулары турында сөйләвеннән башланды. Аннары Бөек Ватан сугышы вакыйгалары турында слайдлар күрсәтелде: фронтларда сугышкан солдатлар, тылда хатын-кызлар һәм балаларның авыр эше, партизан хәрәкәтләре. Балалар дошман белән көрәшкә зур өлеш керткән һәм «Батырлык өчен» орденнары, медальләре белән бүләкләнгән яшьтәшләре турында хикәяләрне зур кызыксыну белән тыңладылар. Чара барышында К .Симоновның «Тот самый длинный день в году...», С. Михалкованың «Три товарища», А Бартоның «Партизанке Тане» шигырьләре укылды. Чарада катнашучыларның барысы да шул коточкыч елларда һәлак булган геройларны бер минут тынлык белән искә алдылар. «Безгә онытырга рөхсәт ителми» китап күргәзмәсе эшләде.