«Заманча китап хәзинәләре: дөньяның иң зур китапханәләре»

19 сентябрьдә кече яшьтәге укучылар өчен «Заманча китап хәзинәләре: дөньяның иң зур китапханәләре» темасына китапханә дәресе узды, чара эчтәлекле презентация белән барды. Китапханәче укучыларга төрле илләрнең иң танылган һәм зур китапханәләре, беренче китаплар һәм китапханәләр барлыкка килүе турында кызыклы фактлар сөйләде.

Дәрес ахырында китапханәче китапханәбезнең китап фонды турында күзәтү әңгәмәсе үткәрде. «Әкият иле», «Авторны бел», «Күп белүчеләр» уеннарын уйнадылар. Катнашучылар заманча китапханәләрнең китапларны саклау һәм бирү өчен генә түгел, ә аралашу, өйрәнү, тере диалог үзәге булуы турында белделәр.