"Минем хыялымдагы һөнәр" викторина

Хезмәт тәрбиясе-мәктәпкәчә яшьтәге баланың шәхесен һәрьяклап үстерүнең мөһим чарасы. Хезмәтнең төп максаты-аның баланың шәхесенә тәрбия йогынтысында. Моннан тыш, хезмәт-кешеләрнең бер-берсе турында кайгыртуын күрсәтү. Балаларны мәктәпкәчә яшьтән үк төрле һөнәри хезмәт белән таныштыра башларга кирәк. Балаларны өлкәннәр авырлыгы белән таныштырып, без аларны теге яки бу һөнәргә юнәлтәбез, аның әһәмиятен һәм кирәклеген күрсәтәбез.

Шул уңайдан Шекә авыл китапханәсе, Шекә балалар бакчасында “Минем хыялымдагы һөнәр” дип исемләнгән чара уздырды. Чарада китапханәче кызыклы уеннар, әңгәмә оештырып , кече яшьтәге укучыларны һөнәрләр иленә алып керде. Әти-әниләре һөнәрләре турында белемнәрен барлап, һөнәрләр турында викторина сорауларына җаваплар эзләдек. “Күрсәт әле үскәнем”, “Нәрсә артык”, "Барлык һөнәрләр дә мөһим, барлык һөнәрләр дә кирәк"," һөнәр исемнәрен атагыз " уеннарын яратып уйнадылар.  Балалар иркен шартларда үзләре өчен файдалы вакыт үткәрделәр, бик күп яңа һәм кызыклы нәрсәләр белделәр.