"Зәңгәр вертолетлы тылсымчы!" әдәби кичә.

Россия язучысы һәм балалар китаплары авторы Эдуард Николаевич Успенскийның тууына 85 ел тулу уңаеннан китапханәдә кече яшьтәге укучылар өчен " Зәңгәр вертолетлы тылсымчы!»дип исемләнгән чара узды. Китапханәче укучыларга  язучының тормышы һәм иҗаты турында  мультимедиалы презентация тәкъдим итте. Чара барышында укучылар  Эдуард Успенскийның  китаплар гына түгел, ә театр өчен пьесалар, радио һәм телевидение өчен сценарийлар язганын белделәр. Аның әсәләре буенча викторинада катнаштылар, тасвирламасы, аның сүзтезмәләре буенча геройларны таныдылар. Эдуард Успенскийның көлкеле шигырьләрен бик теләп укыдылар. Чара өчен «Яраткан язучының яраткан геройлары»исемле китап күргәзмәсе оештырылды һәм тәкъдим ителде. Чара ахырында катнашучылар Э. Успенский әсәрләре буенча иллюстрацияләр ясадылар