"Менә шундый уңыш-теләгәнеңне сайлап ал!"

Искиткеч вакыт җитте-матур һәм назлы көз ул һәркемгә кар һәм салкын кыш алдыннан үзенең соңгы җылы көннәрен, могҗизалы мизгелләрен, искиткеч көзге чәчәкләрнең зәвыклы, сизелерлек хуш исен, җыелган җимешләрнең матурлыгын һәм, әлбәттә инде, ниндидер уйланучан,  хәтта бераз моңсу, ләкин шул ук вакытта шатлыклы кәефен бүләк итә. Елның әлеге искиткеч вакытына багышланган " Менә шундый уңыш-теләгәнеңне сайлап ал!» әдәби кичәсенә кече яшьтәге укучылар чакырылды. Бу көнне уку залы балалар көлүе, шатлык, музыка, бию, уеннар һәм матур очрашу белән тулды. Кунакларны искиткеч көз чоры, шигърият, музыка һәм рәсем сәнгате дөньясы белән очрашу, кечкенә һәм кызыклы көзге викториналар һәм табышмаклар көтә иде. Балалар рәхәтләнеп көз айлары турында табышмаклар чиштеләр, сынамышлар белән таныштылар. . Ә «Көзне макта» дигән уенда балалар зирәклек һәм активлык күрсәтте. Ике командага бүленеп, балалар тиз арада көзне характерлаучы матур төсле сыйфатларны атадылар. Балалар нәкъ көзнең күп шагыйрьләрне һәм язучыларны, рәссамнарны һәм композиторларны матур һәм якты әсәрләр тудырырга рухландырганын белделәр. Чара кечкенә уен паузаларын үз эченә алган иде. Чара ахырында кунакларыбызның елмаюлы һәм шатлыклы йөзләре, аларның күңелләренә хуш килүе,  уңай эмоцияләр уятуы аңлашылды.