"Йолдызларга якынрак"
1961 елның 12 апрелендә Юрий Гагарин дөньяда космоска очучы беренче кеше була. «Восток» космик корабында ул дөнья тарихында беренче тапкыр җирне орбиталь әйләнеп чыга, пилотлы космик очышлар чорын ача. 12 апрельдә 15:30 сәгатьтә Апаз авыл китапханәсендә балалар һәм яшүсмерләр өчен Юрий Алексеевич Гагаринның космоска очуын бәйрәм итүгә багышланган "Йолдызларга якынрак" мәгълүмат сәгате уздырыла.
Китапханәче укучыларга геройның тормышы турында сөйләде. Укучылар Космоска очу турында күп кызыклы фактлар белделәр. Балалар Юрий Гагарин тормышы турында кызыклы хикәяләр ишеттеләр. Һәркем Космосны өйрәнү темасына үз фикерен уртаклаша алды һәм аңа билгеле булган фактларны һәм яңалыкларны сөйләде.