"Яңа ел могҗизасы!"

  Яңа ел-күпчелек өлкәннәр һәм балалар өчен иң яраткан бәйрәм, чөнки 31 декабрьдән 1 гыйнварга каршы төндә иң чын могҗизалар була! Түземсезлек, дулкынлану һәм шатлык белән кешеләр тантаналы төн башлануны көтәләр. Бу бәйрәм кешеләрне берләштерә, якты, яңа һәм кызыклы нәрсәгә ышана. Киләсе елда иң якты хисләр, иң яхшы ниятләр, иң ихлас теләкләр генә теләргә  кирәк. Әлеге бәйрәм уңаеннан 31 декабрьдә Апаз мәдәният йортында 19.00 сәгатьтә авыл халкы өчен бал-маскарад оештырылды. Бәйрәм җанлы җырлар, изге теләкләр, күңелле уеннар һәм матур шигырьләр белән узды. Күптән көтелгән Кыш бабай һәм Кар Кызы белән китапханәче талантлы балаларга чыгышлары өчен бүләкләр тапшырды. Яшь укучылар өчен "Яңа ел могҗизалары "исемле китап күргәзмәсе оештырылды. Ошаган китапларны балалар үзләре белән  ала алды.