"Мин коррупциягә каршы!"

  Халыкара коррупциягә каршы көрәш көне 2004 елдан башлап ел саен 9 декабрьдә билгеләп үтелә. Коррупция-сәясәт яки дәүләт идарәсе өлкәсендә иҗтимагый куркыныч күренеш, ул хезмәт урыныннан шәхси максатларда белә торып файдалануда чагыла. Бүгенге көндә бүгенге җәмгыятьтә коррупция төрле формаларда күренә: ришвәтчелек, ришвәт алу, мошенниклык, талау, хезмәт урыныннан явызларча файдалану. Ләкин нинди «төрләрне» кабул итсә дә, аның нәтиҗәләре авыр һәм зарарлы булып кала. Коррупциягә каршы көрәш нәтиҗә бирсен өчен, барлык кешеләрнең теләге кирәк. Чөнки ришвәт - алучылар аркасында гына түгел, бирүчеләр ярдәмендә дә бара. Күпчелек кеше процессны тизләтү өчен акча тәкъдим итеп үз бизнесларын тиз арада чишүне өстен күрә. Алар законны сизми дә бозалар.  Шуннан чыгып, 8 декабрьдә Апаз авыл китапханәсе Апаз авылы мәдәният йорты белән берлектә "Без коррупциягә каршы" дип язылган листовкалар таратты һәм коррупциянең нәрсә икәнлеген аңлатты.