"Минем Әнием"

  Әни, әнкәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, жыр көйләп юатучы, татлы йокыдан иркәләп уятучы, яшәргә көч - дәрт бирүче, гомер буена кайгы-шатлыкларыбызны уртаклашучы, тормышыбызның  бизәге, таянычы, акыллы уй – фикерләре белән тормыш дигән олы юлдан алып баручы Әнкәйләребезгә  багышлап  25 ноябрь көнне Апаз мәдәният йортында "Минем Әнием " дип исемләнгән  бик матур концерт  оештырылды.  Концерт матур теләкләр,  моңлы җырлар белән үрелеп барды.