"Балалар үз хокукларын беләме?"
6 апрель көнне 10.30 сәгатьтә Апаз гомуми белем бирү мәктәбендә 5-8 сыйныф укучылары өчен "Балалар үз хокукларын беләме?"дип исемләнгән әңгәмә сәгате үткәрелде.. Әңгәмә барышында китапханәче 1990 елда кабул ителгән балалар хокуклары, аның әһәмияте һәм эчтәлеге турында сөйләде. Китапханәче аңлатканча, Конвенция - үз хокукларын яклап, нигезләнергә мөмкин булган бик мөһим документ. Чөнки һәр кеше үз хокукларын һәм бурычларын белү, аларны якларга ярдәм итәчәк вәзгыятькә эләгергә мөмкин. Шулай ук "Кеше хокуклары турында китап"дигән китап күргәзмәсе оештырылды. Бу чара мәктәп укучыларында хокукый культура формалаштыру, хокукый мәсьәләләрне өйрәнү белән кызыксынуны үстерү өчен шартлар тудыруга юнәлдерелгән иде.