"900 көнлек батырлык !"(Ленинградны фашистлар блокадасыннан тулысынча азат итү көне)

Ел саен 27 гыйнварда илебездә Ленинградны фашист блокадасыннан тулысынча азат итү көне билгеләп үтелә (1944 ел). Бу Россиянең Хәрби дан көне, ул 1995 елның 13 мартында кабул ителгән «Россиянең Хәрби дан көннәре (Җиңү көннәре) турында» гы Федераль закон нигезендә билгеләнгән. 1944 елның 27 гыйнварында Нева шәһәрендә 872 көн дәвам иткән геройларча оборона тәмамлана. Немец гаскәрләре шәһәргә керә алмый, аның сакчыларының каршылыгын һәм рухын сындыра алмый.Ленинград өчен көрәш Икенче бөтендөнья сугышының иң мөһим көрәшләреннән берсе һәм Бөек Ватан сугышы елларында иң озынлысы булды. Ул шәһәр сакчыларының батырлык һәм фидакарьлеге символы булды. Куркыныч ачлык та, салкын да, даими артиллерия атулары да, бомбардировкалар да блокададагы шәһәр кешеләренең һәм саклаучыларның ихтыярын сындыра алмады. Бу кешеләр өлешенә эләккән дәһшәтле газаплар һәм сынауларга карамастан, ленинградлылар үз шәһәрләрен илбасарлардан саклап калды. Шәһәр халкының һәм саклаучыларның тиңдәшсез батырлыгы Россия тарихында мәңгегә батырлык, ныклык, рух бөеклеге һәм Ватаныбызга мәхәббәт символы булып калды. Шул уңайдан китапханәдә китап күргәзмәсе эшли. Инстаграмм челтәренә видеоролик куелды. https://www.instagram.com/APAZ_5_biblioteka