"Наркомания-кешелек дошманы, бушлыкка юл!"

Бүген 26 июньдә наркоманиягә һәм наркотикларның законсыз әйләнешенә каршы халыкара көрәш көне билгеләп үтелә. Наркоманлыкны, һич арттырусыз, замананың иң куркыныч афәте дип атарга мөмкин.Проблемалардан һәм стресстан качабыз дип, аның куркыныч ятьмәсенә көннән-көн күбрәк кешеләр эләгә бара. Ләкин мондый качуның нәтиҗәсе бик аяныч һәм ул бик кыйммәткә төшә. Апаз авыл китапханәсендә "Наркомания- кешелек дошманы, бушлыкка юл!" исеме астында китап күргәзмәсе эшли.