"Чишмәләрнең кадерен белик" Экологик репортаж

Максат: 

-туган ягыбыз чишмәләрен барлау;

-төбәгебез тарихын өйрәнүгә кызыксыну уяту;

-туган җиребезгә, табигатебезгә, чишмәләребезгә карата игътибарлылык, һәм мәрхәмәтлелек тәрбияләү.

Су – безнең төп байлыгыбыз. Безнең ата-бабаларыбыз табигать хәзинәсенә рәхмәтле булганнар. Алар сулыкларга изге әйбер итеп караганнар. Чишмәләрне авылның ихтирамга лаек кешеләре, картлары күзәтеп, карап торган. 

“Аксакал нәсихәте” шигырендә болай дип яза:

Көлгәндә дә чишмә кебек челтерәп

Нәкъ татарча тыйнак көлегез.

Тәнгә-җанга сихәт-дәрман биргән

Чишмәләрнең кадерен белегез!

Табигатьнең бөек могҗизасы, тормышның нигезе булган чишмәләребез яшәсен. Алар – Аллаһның адәм балаларына биргән тиңдәшсез байлыгы. Саекмасын алар. Җиргә бәрәкәт, илгә иминлек теләп, мәңге челтерәсеннәр.