“ Чишмәләр - Җирнең күз яшьләре”дип исемләнгән әңгәмә - практикум

Максаты : Сулыкларның безнең тормышыбыздагы әһәмиятен аңлату , авылыбыз чишмәләренә, инеш-елгаларга  сакчыл караш тәрбияләү.

Тәрбия сәгатенең башында 2018 нчы  ел  Россиядә  волонтерлык  елы итеп билгеләнгәне әйтеп үтелде, чишмә территориясен җыештырырга теләк белдерүчеләргә рәхмәт белдердек.

Китапукучылар суның тормышыбыздагы әһәмияте , аның төрле халәтләре , су чыганаклары турындагы бик кызыклы чыгыш тыңладылар .

Ак-Чишмә авылы буйлап агучы инеш һәм ул коя торган Хотня елгасы турында мавыктыргыч әңгәмә кордык .

Соңгы елларда инештә суның бик нык кимүе , андагы экологик хәлнең начар булуы турында билгеләп үттек .

Су запасларының нык кимүенә юл куймас өчен су чыганакларының чисталыгын сакларга кирәк дигән максат куйдык .

Соңыннан  Зарыйф чишмәсенең тарихын укыдык, чишмәнең тирә-юнен чүп үләннәрдән чистарттык, басмаларын юдык, су юлын чүпләрдән арындырдык.