"Матур гаилә - ил күрке" котлау сәгате

    Бүген Халыкара гаилә көне. Шул уңайдан алтын туйларын билгеләп үтүче Хәтимә һәм Фәрит Зарифҗановлар гаиләсенә Арча муниципаль  районы башлыгы Нуриев Илшат Габделфәрт улының котлавын тапшырдык.Ташкичү  авыл җирлеге  башлыгы Хәбибуллин Рәдис Харис улы бәхетле парларны чын күңелдән котлады, котлауны , Ташкичү авыл җирлеге исеменнән бүләк тапшырды. Китапханәче дә Зарифҗановлар гаиләсен котлап изге теләкләрен җиткерде. Юбилярлар игътибарлары һәм ихтирамнары өчен Арча Муниципаль  районы  башлыгы Илшат Габделфәрт улына, Ташкичү авыл җирлеге  башлыгы  Рәдис Харис улына олы рәхмәтләрен җиткерделәр, аларга ныклы сәламәтлек ,  тигез озын гомер, бәхетле гаилә тормышы,   эшләрендә зур уңышлар, дөньяга тынычлык теләделәр.