Балалар өчен “Без терроризмга каршы” дип исемләнгән информацион-белешмә сәгать

Максаты: балаларда,терроризмга каршы торучанлык тәрбияләү, бу төшенчәләрнең безнең җәмгыять өчен чит икәнлеген аңлату.

Информацион-белешмә сәгать  “терроризм” сүзенә аңлатма бирүдән башланды.

Аннары мәктәп мөдире Сабирзянова Х.Ф. соңгы вакытта 500 гә якын террорчылык группасы барлыгын, алар соңгы 10 елда 6500 ләп халыкара террорчылык актлары башкарылуын , шуларда ун меңләгән кеше һәлак булганын, аннан да артыгы бик зур зыян күргәнлеген сөйләде . Террорчылар бөтен дөнья  халыклары арасында дуслыкны таркату , кешеләрне бертуктаусыз курку хәлендә  тоту, аерым дәүләтләрнең яки кешеләрнең материаль байлыгына зыян салу максатында шулай эшләвен бик яхшылап аңлатты. Ул үзенең чыгышында Бесланда , Мәскәү метросында, Париж аэропортында  булган вакыйгаларны да искә алды.

Китапханәче балаларга үз-үзеңне җәмәгать урыннарында тоту, шикле предметларга , шикле кешеләргә тап булганда нәрсәләр эшләргә кирәклеген ныклап аңлатты.

-         Сез ничек уйлыйсыз,террорчыларның максаты нәрсә ?

Җаваплар төрлечә булды:

- Төрле илләрдә халык  арасында курку хисе тарату.

- Дәүләт һәм аерым шәхесләр милкенә зыян салу.

- Кешеләрне курку халәтендә тоту һәм күпләп юк итү.

- Илләр, халыклар арасында тыгыз дуслык элемтәләре булдыруга каршы килү.

Китапханәче кабат сорау бирде:

-Нинди саклык чаралары күреп була?

Түбәндәге җаваплар яңгырады :

1)таныш булмаган яки киенүе,сөйләме,үз-үзен тотышы сәер булган кешеләр белән сак булу,

2)йөргән урыннарда иясез пакетлар, төргәкләр табылса , бу турыда полициягә хәбәр итәргә,

3)үз халкыбызның тарихи һәйкәлләрен,йолаларын,гореф-гадәтләрен әйбәтләп өйрәнергә  һәм шулардан читкә тайпылмаска.

      Информацион-белешмә сәгатьтә катнашучылар һәр чыгышны зур кызыксыну белән тыңлады , сорауларга актив җавап бирде .

     Куелган максат ирешелде.