Семинар-киңәшмәдән соң туган фикерләр

Мин 22 нче апрель үзәк китапханәдә узган “Семинар-киңәшмә”дә чыгыш ясаган кызларыбызга соклануымны, ихтирамымны әйтми кала алмыйм.
“Халык сәнгате һәм матди булмаган мәдәни мирас” елы кысаларында “Арча үзәкләштерелгән китапханәләр системасы” муниципаль бюджет учреждениесе “Авыл-мәдәни мирас сандыгы” исемле иҗади һәм эзләнү эшләре бәйгесе игълан иткән иде. Бу көнне 8 филиал чыгыш ясады. Һәрбер чыгыш ясаучы кызларыбызның эшләре үзенчәлекле, иҗади, матур, эшлекле килеп чыккан. Безнекеләр шул, дип куанып, горурланып утырдым. Аларның эшләренә бәя бирүче жюрига да авырга туры килде.