Бүген халкыбызның горурлыгы - каһарман шагыйрь Муса Җәлилнең туган көне.

                                                                            Исән кайтсам, тагын күрешербез,

                                                                            Ә кайталмасам...

                                                                                     Җырым сагынсын!

                                                                             Сине сөйгән шагыйрь абыеңны

                                                                             Җыры белән искә алырсың...

                                                                                                              М.Җәлил

Бүген халкыбызның горурлыгы - каһарман шагыйрь Муса Җәлилнең туган көне. Ватаныбызның батыр һәм тугры солдатының исеме безнең илдә генә түгел, бар дөньяда билгеле. Илебездә Советлар Союзы герое һәм Ленин ордены премиясе лауреаты дигән ике иң зур дәүләт бүләгенә лаек булган бердәнбер шагыйрь ул.

Аның "Моабит дәфтәрләре"н тетрәнми укып булмый. Шагыйрьнең Моабиттан ватанга 93 шигыре һәм ике парчасы (кайбер шигырьләр ике дәфтәрдә дә кабатлана) кайтып ирешә. Дистәләрчә шигырьләре һәм бер поэмасының әлегәчә табылганы юк.

Бүген «Моабит дәфтәрләре» Татарстан Республикасы Милли музеенда кадерләп саклана. Аларны елга бер мәртәбә, 15нче февральдә, Җәлил туган көндә, фондлардан алып чыгып, халыкка күрсәтәләр.