«Дәүләт флагы көне бүген!»

22 нче август көнне, Яңа Кырлай авылы китапханәсендә «Дәүләт флагы көне бүген!» дип исемләнгән танып белү сәгате узды.

Флаг-гражданнарны берләштерә торган дәүләт символларының берсе, илнең үткәне, бүгенгесе һәм киләчәген берләштерә. Дәүләт символикасында дәүләт һәм халык тарихы, аның традицияләре һәм менталитеты чагыла. Ул безне үз илен көчле һәм чәчәк атучы держава итәргә омтылуда берләштерә, дәүләт идеяләрен һәм принципларын белдерә. Бүген безнең уртак бурычыбыз-үсеп килүче буында дәүләт символикасына сакчыл караш, туган якка һәм Ватанга карата хөрмәт һәм мәхәббәт тәрбияләү, алар бөек державаның лаеклы гражданнары булып үссен, туган җиргә, илебезгә, Россия флагына мәхәббәт һәм тугрылык гомерләре белән расласын.