"Табигатьнең моңлы җырчылары"
1 апрель-Халыкара кошлар көне-Халыкара экологик бәйрәм. Кошлар турында халык мәкальләре, җырлар, шигырьләр, риваятьләр һәм табышмаклар бик күп. Сөрде авыл китапханәсе хезмәткәре үз укучылары өчен кошлар турында эко-викторина әзерләде. Катнашучылар безнең канатлы дусларыбыз турында белемнәрен тикшерә һәм кошлар тормышыннан яңа кызыклы фактлар белә алдылар. Балалар кошлар турында төрле сорауларга җавап бирделәр, күп санлы канатлы кошлар турында табышмаклар чиштеләр, кошларның төрләре, аларның биологик үзенчәлекләре, кайсы кошларның көньякка очып китмәве, ә туган җирләрендә кышларга калуы турында белделәр.