"Ана теле белән иман - Игезедер инсанның!"
26 нчы апрель Татар халкының Бөек шагыйре Габдулла Тукайның тууына 131 ел тулу уңаеннан, Сөрде башлангыч мәктәбе укучылары, укытучылары белән берлектә "Ана теле белән иман - Игезедер инсанның!" дип исемләнгән шигырь бәйрәме үткәрелде. Укучыларга "Ач, шигърият серләреңне" исеме астында китап күргәзмәсе һәм сөекле шагыйребезнең иҗатына багышланган викторина презентация тәкъдим ителде. Укучылар арасында Тукай шигырьләрен иң оста итеп сөйләүчеләр конкурсына да йомгаклар ясалды.