«Фән –киләчәккә юл»

14 июнь көнне китапханәдә 1-4 сыйныф укучылары өчен «Фән –киләчәккә юл» дип исемләнгән мәгълүмати – танып белү сәгате узды.

Очрашуда китапханәче фәнсез безнең җәмгыять үсеш ала алмый дип сөйләде. Күп фәннәр бер-берсе белән бәйле, һәр ачыш һәм уйлап табу артында төрле галимнәрнең зур хезмәте тора. Ә иң кызыгы, табигать үзе күп нәрсәне уйлап чыгарган, безгә бары тик игътибарлы булырга һәм аның идеяләрен тормышка ашырырга кирәк.

Чара барышында балалар фән тарихы, танылган галимнәрнең фән һәм техника үсешенә керткән өлеше турында белделәр. Балалар фән һәм уйлап табулар дөньясыннан кызыклы фактлар белән таныштылар. Шулай ук һәркем, хәтта бала да, уйлап табучы була ала икәнен белделәр. Алар балаларның җиләк-җимеш боз, пластилин, мех колакчыннары, Брайль шрифты, батут һәм башка күп нәрсәләрне ничек уйлап тапканнарын белделәр.

Чарада фән һәм фәнни ачышларга багышланган кызыклы китап күргәзмәсенә күзәтү ясалды, ул укучыларга дөньяны үзгәрткән мөһим ачышлар һәм уйлап табулар турында белергә мөмкинлек бирде.