«Пушкин әкиятләренең серләре»

6 июнь көнне китапханәдә җәйге мәктәп яны лагерына йөрүче балалары өчен «Пушкин әкиятләренең серләре» дип исемләнгән әдәби-уен программасы узды.

Китапханәчеләр укучыларга шагыйрьнең тормыш һәм иҗат юлы; аның бала караучысы Арина Родионовна, А.С. Пушкинның аның сөйләгәннәреннән язган искиткеч әкиятләре һәм халык җырлары; искиткеч Пушкин әкиятләренең барлыкка килү тарихы һәм сюжетлары турында сөйләделәр.  Һәм балаларга Пушкин Лукоморьесының билгесез юллары буенча сәяхәт итәргә тәкъдим иттеләр. Чарада катнашучыларга Әкият иле өстеннән үтеп, Александр Сергеевич геройларын башка әкиятләргә күчергән давыл нәтиҗәләрен бетерү өстендә эшләргә туры килде; Пушкин әкиятләрендә еш очрый торган саннарны искә төшерделәр; Пушкин геройларының кайсысы аларга җәйге мәктәп каникуллары башлану уңаеннан котлау телеграммалары җибәргәнен аңладылар, шагыйрьнең әкиятләреннән юлларны дәвам иттеләр.  Чараны тәмамлап, китапханәчеләр балаларга мондый сүзләр белән мөрәҗәгать иттеләр: «Пушкин әкиятләрен онытмагыз, чөнки аларда шулкадәр гадәти булмаган, кызыклы һәм гыйбрәтле әкиятләр бар. Аларның һәрберсе чын хәзинә. Әкиятләр игелекле, күңелле һәм гыйбрәтле, алар озак еллар безнең дусларыбыз һәм киңәшчеләребез булып торалар, намуслы, кыю, гадел булырга ярдәм итәләр».