«Сүзеңне фәрештә хупласа...»

10 апрельдә шагыйрә Бикә Рәхимованың тууына 85 ел тулды. Бу көнне безнең китапханәдә әлеге истәлекле вакыйгага багышланган кичә-портрет узды. Анда башлангыч сыйныф укучылары катнашты. Китапханәчеләр балаларны шагыйрәнең тормышы юлы һәм иҗаты белән таныштырдылар. Анда укучылар Б.Рәхимованың Татарстан Республикасының Мактау грамотасы белән бүләкләнүе турында белделәр (1994 ел). 2009 елда Татарстан Республикасы Язучылар берлегенең А.Алиш исемендәге премиясен ала. «Сәрвиназ» шигырьләр җыентыгы авторы (1986 ел), «Ачыл, күңел!» (1989 ел), «Иделләр казанында» (1999 ел), «Мәрхәмәт» ( 2005 ел), «Кырмыскалар өендә» балалар өчен шигырьләр җыентыклары (1991 ел), «Урман радиосы» (1995 ел), «Җайдак малай» (2007 ел), «Бакый сагыш» китап публицистикасы (2009 ел).

         Шагыйрәнең иҗаты халкыбызның иҗтимагый тормышы хакындагы фәлсәфи-лирик уйланулары белән сугарыла.

         Б.Рәхимованың шигырьләрен кычкырып уку оештырылды. Балаларга «Шагыйрә йөрәк җылысын бүләк итә» дип аталган китап күргәзмәсе тәкъдим ителде.