«Халык иҗаты – күңел байлыгы»

12 март көнне китапханәбездә «Халык иҗаты – күңел  байлыгы» дип исемләнгән күргәзмә – әңгәмәсе узды. Китапханәчеләр чарада һәр халыкның кабатланмас җаны барлыгын тагын бер кат искә төшерде – бу аның иманы, теле, бәйрәмнәре һәм йолалары, җырлары һәм биюләре. Халыкның җаны исән чакта, халык үзе дә исән.

         Чарага укучыларга шул ук исемдәге китап күргәзмәсе тәкъдим ителде. Монда укучылар Россия халыклары сәнгате буенча әдәбият белән таныша алдылар. Халык сәнгате кешелек җәмгыяте тормышында мөһим роль уйный, чөнки ул кешеләргә ата-бабаларының милли үзенчәлеген һәм рухи кыйммәтләрен сакларга ярдәм итә. Монда шулай ук Россиянең халык кәсепләре турында күп кенә яңа һәм кызыклы нәрсәләр белергә ярдәм иткән китаплар тәкъдим ителде.

         Әңгәмә барышында укучылар белән милли мирасның, халыкның үзенчәлекле мәдәниятенең мөһим өлеше булган халык сәнгать кәсепләре сәнгате турында сөйләштек.