«Мужество ваше на все времена»

8 декабрь көнне, без, «Мужество ваше на все времена» дип аталган батырлык һәм намус кичәсе үткәрдек. Кичәнең төп максаты патриотизм, гражданлык, горурлык һәм Ватанның тарихи үткәненә хөрмәт тәрбияләү иде. Китапханәчеләр Георгий Җиңүче, илебез символы - Россия гербы турында сөйләделәр. Укучылар 1917 елга кадәр 9 декабрьнең Георгий кавалерларының хезмәтләрен хөрмәтләүгә багышланган бәйрәм датасы булуын белделәр. Изге Георгий Җиңүче ордены 2000 елда Россиянең югары хәрби бүләге буларак торгызылган. Бөек Ватан сугышы вакытында, 1943 елның ноябрендә, безнең илдә яңа орден – Дан ордены расланган.

         Аерым бит тагын бер бәйрәмгә багышланды - безнең илдә 3 декабрьдә билгеләп үтелә торган Билгесез солдат көненә. Чарада катнашучылар билгесез солдат белән беренче хушлашу тантанасы, «Билгесез солдат кабере» мемориаль ансамблен ачу турында белделәр.

         Шулай ук катнашучылар игътибарына «Герои Отечества славного» дип аталган китап күргәзмәсе тәкъдим ителде, анда «Хәтер китабы»на аерым игътибар бирелде. Бөек Ватан сугышы вакытында һәлак булган һәм хәбәрсез югалган Арча районы халкы, шулай ук ватандашларыбыз, Кызыл Армия сугышчылары һәм командирлары, Бөек Ватан сугышы вакытында Ватаныбызны саклаганда һәм немец оккупантларыннан азат иткәндә һәлак булган һәм хәбәрсез югалганнар турында истәлек китабы.

         Яшь укучылар каты сугышларда яуланган данлы җиңүләр, без кичергән югалтулар турында белергә тиеш. 1945 елның мае алып килгән Җиңү, халкыбыз тарихында иң истәлекле вакыйгаларының берсе булып кала.