«Бер-беребезне яхшы сүз белән җылытыйк!»

1 декабрь көнне Халыкара инвалидлар көне алдыннан «Бер-беребезне яхшы сүз белән җылытыйк!» дип исемләнгән очрашу сәгате уздырылды.

 Чарада сәламәтлек мөмкинлекләре чикле балалар өчен Яңа Кенәр интернат-мәктәбе укучылары катнашты. Китапханәчеләр балаларга тормышта, җәмгыятьнең сәламәт әгъзалары белән беррәттән, һәр илдә балачактан ук яки кичергән авырулар һәм җәрәхәтләр нәтиҗәсендә инвалидлар булуы турында сөйләделәр. Балалар ишеткән тарихлар, язмыш һәм билгеле шартлар аркасында югалып калмаган кешеләр турында иде. Алар алга таба яшәргә максат куйган кешеләр, һәм аларның күбесе җәмгыять тормышына үз өлешләрен керткәннәр. Балалар летчик Алексей Маресьев, танылган немец композиторы Бетховен, җырчы Диана Гурская һ.б. тормыш тарихларын кызыксынып тыңладылар. Укучыларга кулсыз һәм аяксыз, әмма тормышта күп нәрсәгә ирешкән Ник Вуйчич турында видеоролик бик нык тәэсир итте. Китапханәнең яшь укучылары игелек, шәфкатьлелек кебек әхлакый төшенчәләр турында сөйләштеләр һәм бер-берсенә карата игелеклерәк, игътибарлырак һәм мәрхәмәтлерәк булырга кирәк дигән нәтиҗәгә килделәр. Балалар язучыларының, балаларның һәм өлкәннәрнең яхшы, игелекле гамәлләре турында кечкенә хикәяләрен комментарийлы укулар үткәрелде. Укучылар Г.Н.Троепольскийның «Ак Бим Кара колак» әсәреннән өзекләр укыдылар, аны игелек һәм кешелек дәреслеге дип атарга була.

Укучылар игътибарына әңгәмә темасын чагылдырган китап күргәзмәсе тәкъдим ителде.