«Бер ил, бер гаилә, бер Россия»

Россия Федерациясе Дәүләт Думасы тарафыннан 2023 елның 19 сентябреннән кабул ителгән закон нигезендә, 30 сентябрьдә яңа истәлекле дата - Донецк һәм Луганск Халык Республикаларын, Запорожск һәм Херсон өлкәләрен Россия белән берләшү көне билгеләнде. Быел бу көн беренче мәртәбә билгеләп үтелә.

Яңа истәлекле датага безнең китапханәдә «Бер ил, бер гаилә, бер Россия» дип исемләнгән китап күргәзмәсе төзеп куелды.

Күргәзмәдә Россия тарихы, аның символлары буенча әдәбият тәкъдим ителде, анда әлеге территорияләрнең Россиягә ничек кушылуы турында белергә мөмкин иде.

Күргәзмәгә күзәтү, китапханә укучыларына тарихның әлеге чорына багышланган әдәбият белән танышырга мөмкинлек бирде.