"Энҗеләр бөртекләп җыела"
Мөндеш башлангыч мәктәбендә Татарстанның халык язучысы, драматург, шагыйрь, күренекле фольклорчы Нәкый Исәнбәтнең тууына 120 ел уңаеннан “Энҗеләр бөртекләп җыела” дип исемләнгән әдәби уен үткәрелде.Укучылар Нәкый Исәнбәтнең тормыш юлы, иҗаты белән кыскача таныштылар.Мәкаль-табышмакларына җаваплар таптылар,әкиятләреннән өзекләр күрсәттеләр,балалар өчен язып калдырган күмәк уеннарын уйнадылар.Укучыларга Нәкый Исәнбәтнең китапларыннан торган китап күргәзмәсе тәкъдим ителде.