«Холокост – боль человечества …»

27 гыйнвар-Холокост корбаннарына искә алу көне. Фашистларның ерткыч сәясәте корбаннары булганнарны һәм бу мәхшәрне туктаткан батыр йөрәкле кешеләрне искә алу көне. Шушы истәлекле датага багышлап 26 январь көнне Лесхоз  авыл китапханәсендә «Холокост – боль человечества …»  дип исемләнгән хәтер сәгате узды. Очрашуга яшьләребезне чакырдык. Холокост-инглизчәдән һәм борынгы грек сүзеннән"ут белән юк итү" дигәнне аңлата. Дөнья тарихында Холокост дип, 1941-1945 еллардагы Икенче Бөтендөнья сугышында өченче рейх тарафыннан төрле милләтләргә карата кылынган геноцид фаҗигасен атыйлар. Китапханәче фашистларның еврей һәм чегән халкына, бигрәк тә хатын-кызлар, өлкәннәр, балаларга  каршы оештырылган  вәхшилеге турында сөйләде. Кичә барышында презентациядә күрсәтелгән тарихи фотоларга анализ ясалды. Бер гаепсезгә геноцид корбаннары булганнар истәлегенә бер минутлык тынлык игълан иттек. Э. Межелайтисның  «Пепел» һәм М. Җәлилнең «Вәхшәт » шигырьләрен укыдык.