Без бергә
8 октябрьдән безнең җирлектә махсус хәрби операциядә катнашучы егетләребезгә ярдәм йөзеннән "Без бергә" хәйрия концертлары башланды. 22 октябрьдә Лесхоз авыл мәдәният йортында тәмамлау концерты узды. Җыелган акчалар мобилизацияләнгән егетләргә һәм аларның гаиләләренә тапшырылачак. Җирлегебезнең мәдәният хезмәткәрләренең һәм үзешчән артистларның чыгышларын тамашачылар дулкынланып кабул иттеләр. Әлеге чараларда актив катнашу безнең бердәмлекне раслый, махсус хәрби операциядә катнашучыларга көч бирәчәк. Без аларның Җиңү белән тиздән безнең арабызга исән-сау кайтуларын көтеп калабыз.