"Онытырга хакыбыз юк!"

   19 апрель - 1941-1945 нче еллардагы Бөек Ватан сугышында нацистлар һәм аларны хуплаучылар тарафыннан Совет халкы өстеннән үткәрелгән геноцидны хәтерләү максатыннан Бердәм гамәлләр көне.

Туган якны өйрәнү музеенда шул датага багышланган "Онытырга хакыбыз юк!" дип исемләнгән хәтер сәгате үткәрелде. Без балаларга кырыгынчы елларның аяусыз вакыйгалары, Бөек Ватан сугышы елларында халыкның фаҗигасе турында сөйләдек. Балалар сугышның 26,6 миллион кешенең гомерләрен өзгәнен белделәр. Аларның яртысы диярлек - тыныч халык һәм оккупацияләнгән территорияләр арасында югалтулар. Нацистларның коточкыч гамәлләре турында белдек. Ахырдан балаларны белорус язучысы Е. Кобец-Филимонованың «Хатынь тургайлары» дигән искиткеч китабы белән таныштырдык.