"Музейлар - тарихи көчкә ия"
22 май көнне, авылыбыздагы туган якны өйрәнү музеенда булдык. Музейдагы һәрбер әйбер бай һәм тарихи әһәмияткә ия. Чөнки һәр экспонатта ата-бабаларыбызның күңел җылысы, изге хатирәләре саклана. Укучылар бишек, бала арбасы белән таныштылар. Әбиләребез суга йөргән көянтә-чиләкләрне күрделәр. Ләйсән Шәфигуллина укучыларга халкыбызның күңел җәүһәрләре; чигүле сөлгеләр, калфак-түбәтәйләр, чулпылар, камзуллар турында сөйләп үтте. Бүгенге сәяхәтебез укучыларга бик ошады. 16 укучы катнашты.