"Россиядә истәлекле көн"

4 ноябрьдә Россиядә Халыклар бердәмлеге көне билгеләп үтелә. Китапханәдә “Россиянең истәлекле датасы” дигән мәгълүмат-танып белү сәгате үткәрелде. Балаларны бәйрәм барлыкка килү тарихы, ата-бабаларның Ватаныбыз бәйсезлеге хакына батырлыклары, шулай ук бәйрәм итү традицияләре, аның Россия өчен әһәмияте белән таныштырдык. Видеоролик "Минин һәм Пожарский. Рус җирен коткаручылар" балаларны Кузьма Минин һәм князь Дмитрий Пожарский белән таныштырды, алар халык ополчениесе җыйдылар, Мәскәүне азат иттеләр, һәм шуның белән рус дәүләтенең бердәмлеген коткардылар. Һәркем Россиянең бердәм булганда гына көчле булуын истә калдырды. Бу дуслык һәм берләшү бәйрәме, мәхәббәт һәм татулык бәйрәме. Чарага « 4 ноябрь - Халыклар бердәмлеге көне » китап күргәзмәсе әзерләнгән иде.