Онытмыйк җиңү батырларын, Алар өчен үлем юк җирдә!

    Мәдәният йортында "Онытмыйк Җиңү батырларын, алар өчен үлем юк җирдә" исеме астында узган фестиваль-конкурсның зона туры үтте. Анда Үрнәк, Иске Кырлай, Яңа Кырлай, Апаз авыл җирлегендә яшәүчеләр чыгыш ясады. Номинацияләре – җыр, бию, нәфис сүз, театральләштерелгән күренеш. Балалар бакчасында тәрбияләнүчеләрдән алып өлкән яшьтәге апалар һәм абыйларга кадәр үз осталыкларын күрсәтә алды. Һәр катнашучы дипломнар белән бүләкләнде, ә аеруча уңышлы чыгыш ясаучылар 9 май көнне Арча сәхнәсендә чыгыш ясаячак.