«Аталы - аналы - алтын канатлы»

   7  март көнне Түбән Пошалым  балалар бакчасы бинасында “Гаилә бәйрәме  булып узды.  Кичәгә авылда яшәүче яшь гаиләләр чакырылды.  Бәйрәм барышында төрле конкурслар  уздырылды. Алар концерт номерлары белән үрелеп барды. Әти -  әниләргә багышланган матур-матур шигырьләр, күмәк җырлар, биюләрнең һәркайсын тамаша кылучылар яратып кабул иттеләр. Балаларның үз куллары белән ясалган бүләкләрен дә кабул итеп алды әти - әниләр,  алардан да бәхетле беркем юк иде ул минутларда.

 Бәйрәм ахырында һәр гаиләгә мактау кәгазьләре  тапшырылды.