"Исәнмесез кошкайлар!"

2-нче апрель көнне Татар Кандызы  авыл китапханәсендә 2-3 сыйныф укучылары белән  кошлар көненә багышлап "Исәнмесез кошкайлар!" дип исемләнгән танып – белү сәгате үткәрелде. Китапханәче кошлар бәйрәменең тарихы  турында сөйләде, шигырьләр укылды, рәсемнәр ясалды. Укучылар  ике командага бүленеп, сорауларга җавап бирделәр, төрле биремнәрне үтәделәр, уеннарда катнаштылар. Китапханәче Насибуллина Гөлнур  "Кошлар-безнең канатлы дусларыбыз" дип исемләнгән күргәзмәгә күзәтү ясады. Укучылар кошлар турында күп кенә кызыклы мәгълүмәтләр белделәр. Табигать турындагы китапларның исемлекләре белән таныштылар. Бәйрәм ахрында катнашкан укучыларга бүләкләр бирелде.