«Кадерле укытучыма»

 5 октябрь көнне,  Халыкара укытучылар  көне  уңаеннан, Шалты авыл китапханәсе  «Ак Җилкән »  балалар клубы чираттагы очрашуга җыелдылар. Укучылар белән  «Кадерле укытучыма» дип  исемләнлән открыткалар ясау дәресе оештырылды. Һәркем  үзенә ошаган открытка ясады, аның артына котлау сүзләре язып ябыштырдылар. Барлык открыткалар да матур килеп чыкты. Укучылар аларны ветеран укытучыларның  өйләренә барып, бүләк иттеләр. Өлкәннәр  укучыларның үз куллары белән ясаган бүләктән канәгать калдылар, уртак аралашудан бик күп уңай эмоцияләр алдылар.