«Иле ныкның биле нык»
10 нчы июнь көнне, Исергәп авыл китапханәсе, Мәдәният йорты белән берлектә, Россия көненә багышлап, мәктәп яны лагерена йөрүче балалар өчен, «Иле ныкның биле нык» дип исемләнгән квест- уен үткәрде.
Катнашучы балалар биш тукталыш буенча сәяхәт иттеләр. “Россия символлары” тукталышында аерым өлешләрдән Россия гербын җыйдылар, “Бөек исемнәр” тукталышында ил тарихында билгеле исемнәрнең кем булуын ачыкладылар, “Россия- безнең туган ил” дип аталганында төрле сорауларга җавап эзләделәр, “Мәкальне дәваи ит!” тукталышында билгеле 6 рус һәм 6 татар мәкален бирелгән ике сүз аша тулыландырдылар, “Әкиятләр” тукталышында рәсемнәр буенча әкиятләрне белделәр. Һәр тукталышта хәрефләр алып, “12 июнь -Россия көне” сүзтезмәсен җыйдылар.