“Балачак иле”

1 ноябрь көнне Кизләү авыл китапханәсендә Татарстанның халык язучысы, балалар шагыйре Шәүкәт Галиевның тууына -90 ел тулуга карата “Балачак иле “ исемле шигърият бәйрәме уздырдык. Бер якта язучы иҗатына китап күргәзмәсе куелды. Бәйрәм кичәсен талантлы укучылар Ахметова Эльвина белән Ахметова Аделина Ш.Галиев сүзләренә язылган “Утыр әле яннарыма” җыры белән башлап җибәрделәр . Кичә барышында  укучылар язучының кызыклы мәзәкләрен сәхнәләштерделәр,табышмакларына җавап бирделәр, балалар өчен язылган күп кенә  шигырләрен яттан сөйләделәр. Бәйрәм Ш.Галиевның  “Бииләр итек-читекләр” исемле уенлы -җыры белән тәмамланды, кичә бик күңелле узды.