“Кошлар безнең дусларыбыз”
1 апрель ел саен кошлар көне буларак билгеләп үтелә.Тирә-ягыбыз мөһитен саклау,кошларга кулыбыздан килгәнчә ярдәм итәргә өйрәтү максатыннан Илмәт авылы китапханәсендә балалар өчен “Кошлар безнең дусларыбыз” дип исемләнгән экологик дәрес үткәрелде.
Балалар күчмә һәм кышлаучы кошлар турында күп төрле кызыклы мәгълүматлар белделәр,кошлар дөньясы белән бәйле кроссворд чиштеләр.Соңыннан балалар белән канатлы дусларыбызга җимлекләр ясап,күчтәнәчләребезне салып агач ботагына элеп куйдык.