”Алар илгә җиңү алып кайтты”

Ятмас Дусай авылы китапханәсендә 3 май көнне  “Балаларга сугыш турында укыйбыз” халыкара акциясе кысаларында”Алар илгә җиңү алып кайтты” исемле әдәби сәгать үткәрелде. Башлангыч сыйныф укучыларын фронтовик язучылар һәм аларның әсәрләре белән таныштырдым.Чара барышында И.Газинең "Малай белән эт", "Сыерчыклар" хикәяләре,Муса Җәлилнең  “Кызыл ромашкалар”, “Моабит дәфтәрләре”, “Сандугач һәм чишмә”балладасы кычкырып укылды.

Китапханәдәге “Барысы да сугыш турында”исемле китап күргәзмәсе белән китап укучыларны таныштырдым һәм китапларга күзәтү ясадым,укырга тәкъдим иттем.

Укучылар үзләренең сугышта һәм тылда көрәшкән әби – бабайлары турында да искә алып үттеләр.

Балаларның әлеге тема белән кызыксынуларын күрү иң күңеллесе булды.Кичәнең максаты – балаларда һәм яшүсмерләрдә патриотик хисләр тәрбияләү.

Катнаштылар:1-4 сыйныф укучылары 5 бала