Сугыш ул бик куркыныч нәрсә

         Кан ул, ут, ул, үлем, яралар,

         Күз яшьләре, кайгы, ачлык,

         Тол аналар, ятим балалар.

    Тол аналар. Ятим балалар кемнәр соң алар? Сугыш башлануга барлык әтиләр дә сугышка киткән, күбесе шунда үлеп калган, хәбәрсез югалган. Ә әниләр балалары белән калганнар. Балалар ятим, ә әниләр тол булганнар.

   Сугыш... Меңләгән шәһәрләр җимерелгән, җир йөзеннән гөрләп торган авыллар юкка чыккан, шау чәчәккә күмелгән бакчалар янып көйлгә әйләнгән. Барлык ир-егетләр сугышка китә, авылда картлар, хатын- кызлар, балалар гына кала.

Фаҗигале чынбарлык буларак сыгыш елларында авылыбыз халкына авыр проблемаларны чишәргә туры килә. Яңа шартларга туры китереп авыл хуҗалыгын фронт ихтыяҗларына мобилизациялиләр. Авылның хезмәт ресурслары нык кими: кешеләрне армиягә, промышленность предприятиеләренә алып тору авылда эшче куллар саны бик күпкә азайта. Авыл күбесенчә хатын-кызларга һәм яшүсмерләр кулына кала. Буген без балачаклары сугыш вакытында узган апаларны кунакка чакырдык.