«Актүбә: вакыт, вакыйгалар, кешеләр".
Актүбә бистәсе китапханәсендә китап-иллюстратив күргәзмә оештырылган. Күргәзмәдә актүбә халкына һәм бистәнең барлыкка килү тарихына багышланган китаплар, фотосурәтләр, актүбә уенчыклары һәм картиналар тәкъдим ителгән. Китапханәче җирле язучылар - Василий Черкин, Жинан Гарифуллина, Мария Прохорова, Әдип Гаязовның китаплары белән таныштырды. Актүбәдә яшәгән һәм картиналар иҗат иткән рәссам Василий Черный турында сөйләде. Укучылар өчен «Азнакай районы тарихында күренекле актүбәлеләр» бүлеге буенча китапларга күзәтү үткәрде. Биредә тәкъдим ителгән басмалар шулай ук бистәнең төрле чорлары һәм күренекле шәхесләре турында сөйлиләр. Һәр китап уникаль һәм китап укучыларны үткәндә барлыкка килгән матди һәм рухи кыйммәтләр, шулай ук һәйкәлләр һәм тарихи-мәдәни территорияләр һәм объектлар белән таныштыра.