«Безгә Тукай әкиятләре килә»
Актүбә бистәсе китапханәсе «Безгә Тукай әкиятләре килә» дигән әдәби сәгать үткәрде, аның китаплары балаларны туган якның матурлыгына, игелеклелегенә өйрәтә, мәрхәмәтле, гадел һәм кыю булырга өнди. Китапханәче балаларга шагыйрьнең авыр балачагы, тормышы һәм иҗаты турында сөйләде. Балалар уен формасында «Су анасы», «Бәхетле бала», «Шүрәле», «Кәҗә белән бәрән», «Гали белән кәҗә» кебек әкият – поэмалар белән таныштылар.