"Планетаның яшел мирасы"

 Урман-тулы бер микродөнья, экосистема, анда үсемлекләрнең, хайваннарның һәм микроорганизмнарның төрле төрләрен очратырга мөмкин. Коры җир тереклек ияләренең 80% ы нәкъ менә урманнарда яши. Алар планетаның коры җиренең өчтән берен алып торалар (38 млн.км кв.). Иң мөһим функцияләрнең берсе-кислород эшләп чыгару һәм чистарту, шулай ук тузан дәрәҗәсен киметү.

Урман байлыкларын саклауның мөһимлеге турында еш сөйлиләр, шуңа күрә Халыкара урманнар көне очраклы гына барлыкка килмәгән. Бу экологик бәйрәм уңаеннан "Планетаның яшел мирасы" күргәзмә-досьесы оештырылды, анда балалар Ю.Крутогоровның "Агачлар турында хикәяләр"е, М. Аспизның "Могҗизалы яфраклар"ы, В. Г. Вахтинның "Табигатьнең гаҗәеп дөньясы" кебек төрле фәнни-матур әдәбият, "Тропик урман", "Джунгли", "Яфраклы агачларда" энциклопедияләре белән таныштылар