"Канатлы дусларыбыз"

Кошлар безне бөтен җирдә — шәһәрләрдә, урманнарда, кырларда һәм яр буйларында чолгап алалар. Бу гаҗәеп җан ияләре кеше тормышында күпкырлы роль уйныйлар һәм экологиядән алып мәдәнияткә кадәр төрле өлкәләргә йогынты ясыйлар.

«Бөтен гаилә өчен якшәмбе ялы" проектына килгән яшь принцессалар өчен әдәби сәгать оештырылды. Кызлар һәм әниләр табышмакларны чиштеләр, кошлар сурәтләнгән рәсемнәрне карадылар, биремнәрне үтәгәндә үзләренең белемнәрен һәм осталыкларын күрсәттеләр. Ә иҗат остаханәсендә җептән «Күңелле кошчык " ясап куандылар.

Очрашу ахырында балалар, канатлы дусларына ярдәм итәргә теләк белдереп, җимлеккә көнбагыш та салдылар.