"Сәламәтлек акчадан да кадерлерәк"

Сәламәтлек – кешедә булган иң кыйммәтле әйбер, ул теләсә нинди байлыктан да кадерлерәк. «Сәламәтлек акчадан да кадерлерәк! " дигән мәкаль юкка гына әйтелми. Шуңа күрә балаларны балачактан ук үз сәламәтлекләренә сак карарга өйрәтү бик мөһим.

"Бөтен гаилә өчен якшәмбе ялы" проектына килгән балалар сәламәтлек иленә сәяхәткә киттеләр. Биремнәрне үтәгәндә яшь катнашучылар сәламәтлек өчен физик яктан актив булырга, саф һавада күбрәк йөрергә, дөрес тукланырга, көндәлек режимны төгәл үтәргә кирәклеген белделәр. Һәм чара ахырында пластилиннан «Керпе һәм аның дуслары өчен витаминнар» ясадылар.