"Карбыз" җилләткеч

"Иҗат итү җиңел" арт-терапиясендә Халыкара карбыз көненә багышлап матур җилләткечләр ясадык.

Җәй көне табигать гүя буяулар белән җанлана: агач яшеллеге, төрле төстәге чәчәкләр һәм чуар күбәләкләр - бу яктылык күңелне шатлык һәм җиңеллек белән тутыра. Кояш нык кыздырганда, җилләткеч кенә түгел, ә чын җәйге аксессуар кирәк. Нәкъ менә шуның өчен булачак бәйрәмгә багышланган иҗади мастер‑класс үткәрелде.

Балалар дәртләнеп төсле кәгазь һәм җепләрдән җыелмалы җилләткеч ясадылар, карбыз турында гаҗәеп фактлар белән уртаклаштылар, табышмакларга җаваплар таптылар һәм тематик китап күргәзмәсеннән күңелле әсәрләр укыдылар. Очрашу нәтиҗәсендә уникаль шедеврлар — ачык һәм оригиналь карбыз җилләткечләре барлыкка килде.