"Һөнәрләр иленә кызыклы сәяхәт"

Һөнәр сайлау ‒ тормышыбызда һәрберебез кабул иткән иң мөһим карарларның берсе. Без барыбыз да эшнең үз мәнфәгатьләребезгә, мөмкинлекләребезгә туры килүен һәм шатлык китерүен телибез.

Танып белү уеннары ярдәмендә 8 нче урта гомуми белем мәктәбенең 5 нче сыйныф укучылары киләчәккә мавыктыргыч сәяхәт ясадылар һәм дөньяның иң популяр һәм гадәти булмаган һөнәрләре белән таныштылар. Кроссворд чишүдә һәм хезмәт турындагы мәкальләрне белүдә үз белемнәрен күрсәттеләр.